Zapad Banka donirala još 6.000 eura Fondaciji Budi human
Zapad banka je odlučila da u narednih godinu donira još 6.000 eura za liječenje djece koja se bore sa teškim oboljenjima, posredstvom Fondacije Budi human.
Aneks ugovora o donaciji potpisale su Lesia Vykhodtseva, predsjednica Upravnog odbora Zapad banke, Dmytro Likhota, član Upravnog odbora Zapad banke i Goran Jovanović, osnivač Fondacije Budi Human.
- Zapad banka već godinama pokazuje da društvena odgovornost nije samo naša obaveza, već naša iskrena vrijednost. Saradnja sa Fondacijom Budi human za nas je dokaz koliko zajednički možemo da učinimo za djecu kojima je pomoć najpotrebnija. Zahvaljujemo im na partnerstvu i nastavljamo da ulažemo u projekte koji grade bolje i humanije društvo za sve nas - istakla je Lesia Vykhodtseva, predsjednica Upravnog odbora Zapad banke.
- Saradnja sa Zapad bankom za Fondaciju Budi Human ima izuzetnu vrijednost, jer predstavlja konkretan korak ka stvaranju odgovornog društva koje prepoznaje i reaguje na potrebe najmlađih. Kada kompanije poput Zapad banke prepoznaju važnost podrške djeci, nastaju partnerstva koja donose stvarne promjene u životima onih kojima je pomoć najpotrebnija. Ponosni smo što je Zapad banka godinama uz nas i što kontinuirano podržava našu misiju. Vjerujemo da zajedničkim naporima možemo graditi društvo u kojem briga o djeci postaje standard odgovornog djelovanja.
- Goran Jovanović, osnivač Fondacije Budi Human
Višegodišnja saradnja Zapad banke sa Fondacijom Budi Human potvrđuje stratešku opredijeljenost Zapad banke da djeluje odgovorno u svim segmentima društva, a posebno u stvaranju bolje budućnosti za najmlađe.
Snaga solidarnosti: prikupljeno preko 32.000 eura za Mašine rehabilitacione tretmane u Turskoj!
Posredstvom Fondacije Budi human i zahvaljujući ogromnoj solidarnosti i humanosti građana Crne Gore, uspješno je prikupljen cjelokupan iznos od 32.099 eura za liječenje osmogodišnje Maše Baošić iz Bara, djevojčice koja se od rođenja bori sa cerebralnom paralizom. Maša će, zahvaljujući ovoj podršci, moći otputovati na intenzivne rehabilitacione tretmane u specijalizovanoj klinici Memorial u Turskoj. Mašina borba još traje, ali smo svi zajedno učinili da njen put bude lakši, sigurniji i ispunjeniji nadom. Ovo je još jedna u nizu uspješno sprovedenih humanitarnih akcija pod okriljem Fondacije Budi human, koja je tokom više od osam i po godina rada pomogla da 129 mališana ode na liječenje. Fondacija upućuje iskrenu i duboku zahvalnost svima koji su doprinijeli da se akcija za Mašu uspješno privede kraju, pojedincima, porodicama, kolektivima, organizacijama i medijima. Zahvaljujemo svakom ko je poslao poruku, donirao sredstva, podijelio apel ili na bilo koji drugi način pokazao empatiju. Vaša podrška je bila ključna i pokazala je koliko zajedničkim snagama možemo napraviti velike stvari za one kojima je pomoć najpotrebnija....
Maši, koja se bori sa cerebralnom paralizom, potrebna je naša pomoć za odlazak na rehabilitacione tretmane u Turskoj: POŠALJI 99 NA 14543!
Maša Baošić je osmogodišnja djevojčica iz Bara, koja od rođenja vodi tešku borbu sa cerebralnom paralizom. Nakon rođenja, odmah je smještena u inkubator gdje je provela 24 dana, a već drugi dan po rođenju je operisana zbog aspiracione pneumonije i sumnje na atreziju jednjaka, što je dodatno zakomplikovalo njen razvoj. Po prebacivanju na neonatologiju, Maša je izgubila kiseonik, što je dovelo do velikog oštećenja mozga nakon čega je dijagnostikovana cerebralna paraliza. Zahvaljujući ljudima velikog srca, za Mašu je posredstvom Fondacije Budi human nekoliko puta obezbijeđeno liječenje, nakon čega se njeno stanje znatno poboljšalo i primijećeni su pozitivni rezultati. Ljekari preporučuju da je potrebno da Maša nastavi sa intenzivnim rehabilitacionim tretmanima u klinici Memorial u Istanbulu. Porodica, nažalost, nije u mogućnosti da sama pokrije troškove ovih tretmana, zbog čega se obraćaju svim humanim ljudima za pomoć. Kako bi Maša imala šansu da poboljša kvalitet svog života i ostvari napredak uz adekvatnu rehabilitaciju, potrebno je prikupiti 32.099 eura. Maši pomažemo uplatama na: Žiro račun: 520-38976-32 Devizni račun: 520042000001498662 IBAN: ME25520042000001498662 SWIFT: HBBAMEPGXXX SMS: 99 na 14543 (1 poruka = 1 euro)!...